ფინეთის პრემიერ-მინისტრმა სანა მარინმა განაცხადა, რომ თებერვალში ქვეყანა თანდათანობით ყველა შეზღუდვას გააუქმებს, რომელიც დაწესებულია კორონავირუსის პანდემიის გამო.
ზომების პირველი შემსუბუქება სამშაბათს, 1 თებერვალს იგეგმება,-ამის შესახებ ინფორმაციას Censor.NET Yle-ი ავრცელებს.
ასე რომ, ხვალიდან რესტორნები და კაფეები 21:00 საათამდე იმუშავებენ. თუმცა, ბარები 17:00 საათზე ალკოჰოლის გაყიდვას შეწყვეტენ და 18:00 საათზე დაიხურება.
დაწესებულებებმა შეიძლება ასევე გააგრძელონ პატრონებისგან ვაქცინაციის მოწმობების მოთხოვნა. ამასთან, პრემიერ-მინისტრმა აღნიშნა, რომ საშვი არ გაათავისუფლებს რესტორნებს ალკოჰოლის რეალიზაციის შეზღუდვისგან, სულ მცირე, თებერვლის შუა რიცხვებამდე. ვსემაას რეგიონში საჯარო სპორტული დარბაზები და საცურაო აუზები გაიხსნება.
ამასთან, 1 თებერვლიდან ფინეთის საზღვრებზე შეზღუდვის წესები გაუქმდება შენგენის ზონის ქვეყნებიდან ჩამოსული მგზავრებისთვის და ასევე ევროკავშირის ქვეყნებიდან, რომლებიც შენგენის ზონის ნაწილი არ არიან.
თამო თავხელიძე