ამერიკის შეერთებულ შტატებში მეცნიერებმა დაადგინეს, რომ კორონავირუსი შეიძლება დარჩეს ადამიანის ორგანიზმში 230 დღის განმავლობაში ინფექციის პირველი სიმპტომების გამოვლენის მომენტიდან. ეს დასკვნა გააკეთეს აშშ-ის ჯანმრთელობის ეროვნული ინსტიტუტის მკვლევარებმა, იუწყება Bloomberg-ი.
კვლევის შედეგები ჯერჯერობით არ არის განხილული. ისინი გამოქვეყნებულია ხელნაწერების სახით. მათი თქმით, კვლევის შედეგად დადგინდა, რომ კორონავირუსს შეუძლია ადამიანის სხეულის უჯრედებში რეპროდუცირება სასუნთქი სისტემის მიღმა.
ანუ SARS-CoV-2 შეიძლება რამდენიმე დღეში გავრცელდეს სასუნთქი გზებიდან ტვინში, გულში და ინფიცირებული ადამიანის სხეულის ყველა ორგანოს სისტემაში.
ამ დროისთვის, არსებობს მრავალი კვლევა, რომელიც მხარს უჭერს ამ დასკვნას და უარყოფს კიდეც მას. ამერიკელი მეცნიერები ამტკიცებენ, რომ მათ აღმოაჩინეს ვირუსის რნმ პაციენტის სხეულის სხვადასხვა ნაწილში, ტვინშიც კი, COVID-19 დაავადების პირველი სიმპტომებიდან 230 დღეში.
კვლევა ჩატარდა აშშ-ს მერილენდის შტატში 44 ადამიანის გაკვეთისა და ქსოვილის კვლევების საფუძველზე, რომლებიც გარდაიცვალნენ პანდემიის აფეთქების პირველ წელს. ასეთი კვლევა ითვლება ადამიანის ორგანიზმში კორონავირუსის გზებისა და არსებობის ყველაზე სრულ ანალიზად.
გასულ წელს მეცნიერებმა განაცხადეს, რომ კორონავირუსი შეიძლება დარჩეს ადამიანის სხეულში ინფექციის შემდეგ 22 დღის განმავლობაში. მაქსიმალური ვადა კი, 37 დღეა.
თამო თავხელიძე
