დიდი ბრიტანეთი მზად არის უკრაინაში 600-კაციანი სპეცდანიშნულების რაზმი გადაიყვანოს. ამის შესახებ ბრიტანული გამოცემა Mirror იტყობინება.
„600-მდე ბრიტანელი ჯარისკაცისგან შემდგარი სამუშაო ჯგუფი მზად არის განლაგდეს უკრაინაში, ამის მიზეზი კი რუსეთისგან მოსალოდნელი თავდასხმის საფრთხეა” – ნათქვამია მოხსენებაში.
ჟურნალისტების თქმით, SAS-მა და პარაშუტის პოლკმა გააფრთხილეს, რომ მათი გაგზავნა უკრაინაში რამდენიმე საათში შეიძლება. მზადება დაიწყო მას შემდეგ, რაც MI6-მა გააფრთხილა ბრიტანეთის პრემიერ მინისტრი ბორის ჯონსონი რუსეთის პრეზიდენტის ვლადიმერ პუტინის მხრიდან მოსალოდნელი პოტენციური საფრთხის შესახებ არა მხოლოდ უკრაინის, არამედ დასავლეთისთვისაც.
ახლა იქმნება ბრიტანული ჯარი, რომელიც შედგება SAS-ის წევრებისგან, სპეციალური სადაზვერვო პოლკისგან, მედიკოსების, ინჟინრების, კომუნიკაციების და მე-16 საჰაერო თავდასხმის ბრიგადის 400-მდე მედესანტისგან, რომელიც დაფუძნებულია ალდერშოტში, ჰანტსიში.
ბრიგადის მაღალი მზადყოფნის ქვედანაყოფი გაფრთხილებულია, რომ მათ შესაძლოა ძალიან მოკლე დროში მოუწიოთ განლაგება, -განმარტა წყარომ და აქვე დასძინა, რომ 400-დან 600-მდე სამხედრო უკვე მზადაა.
„მათი აღჭურვილობა შეფუთულია და ისინი მზად არიან გაფრინდნენ უკრაინაში და მოახდინონ დასხდომა ან უბრალოდ დაეშვნენ პარაშუტით. თუმცა, ორივე შემთხვევისთვის ისინი მზადყოფნბაში არიან“, – განმარტა წყარომ.
თამო თავხელიძე
