პუტინმა ნავალნის მოკვლა სცადა. ორი ექიმის თავდადებითა და რაღაც სასწაულით, ნავალნი სიკვდილს გადაურჩა, გერმანიაში გაფრინდა, გამოკეთდა და დაბრუნდა რუსეთში. ჩაფრენისთანავე დაიჭირეს. დამოუკიდებელმა და მიუკერძოებელმა სასამართლომ – აი, ჩვენც რომ გვაქვს, ისეთმა – მას პატიმრობა მიუსაჯა, რაღაც ძველი და ხელოვნურად შეკერილი საქმისთვის. ამასობაში, საეჭვო გარემოებებში მოკვდა ნავალნის გადამრჩენელი ორივე ექიმი. მოკვდა რა, მოკლეს. თავად ნავალნი ისეთ დღეშია, წუთი-წუთზე შეიძლება გავიდეს მარილზე. ანუ ერთხელ არ გამოუვიდა პუტინს და მეორედ მთელი მსოფლიოს თვალწინ კლავს ტიპს. ბორის ნემცოვი რო მოკლა, იმაზე უფრო ცინიკურად. ჯერ მოკლა და მერე მისი საქმის გამოძიება “პირად კონტროლზე” აიყვანა – აი, როგორც ღარიბაშვილმა რაფალიანცის და კიწმარიშვილის საქმეები <3 ხოდა, ბაიდენმა პუტინს მკვლელი რატომ უწოდა კი არა, ჩვენი პროდასავლური პრემიერი რას ამბობს უკრაინაში ქართველი მებრძოლის დაღუპვაზე? 2014 წელს ოპოზიციას აბრალებდა ეგეთებს. ახლა სადაა? რატომ იგვიანებს? ბერასთვის დაურეკავთ რუსებს, ბოდიში გვინდა, ჯიგაროო.
