იაპონიაში ორი 30 წლის მამაკაცი დაიღუპა მას შემდეგ, რაც კორონავირუსის საწინააღმდეგო Moderna– ს ვაქცინაცია ჩაუტარდა.
ამის შესახებ ბრიტანული სააგენტო როიტერი იუწყება. მამაკაცები გარდაიცვალნენ ვაქცინაციიდან რამდენიმე დღეში.
გარდაცვალების ზუსტ მიზეზს ექიმები ჯერ კიდევ იკვლევენ. ამტკიცებენ, რომ ჯერ არ არსებობს მტკიცებულება, რომ ვაქცინაციამ სიკვდილი გამოიწვია. აღინიშნება, რომ იაპონიამ შეწყვიტა მოდერნას 1,63 მილიონი დოზის გამოყენება, რადგან ზოგიერთ ფლაკონში აღმოჩნდა მინარევი.
მედიის ცნობით, პრეპარატში ნაპოვნია ლითონის ნაწილაკები.
ამავდროულად, იაპონიის მთავრობა ირწმუნება, რომ ზოგადად, არანაირი პრობლემა არ ყოფილა მოდერნის ვაქცინის ეფექტურობასთან და უსაფრთხოებასთან დაკავშირებით, ხოლო პრეპარატის კონკრეტული პარტიის გამოყენება შეჩერდა, როგორც სიფრთხილის ზომების მიღება.
დღეის მდგომარეობით, იაპონიაში 124 მილიონი კორონავირუსის საწინააღმდეგო ვაქცინაცია ჩატარდა. ქვეყანაში მოსახლეობის დაახლოებით 44% სრულად არის აცრილი ორი დოზით.
აღსანიშნავია ის ფაქტიც, რომ შეერთებულ შტატებში, 13 წლის მოზარდი გარდაიცვალა Pfizer-ის ვაქცინით ვაქცინაციიდან რამდენიმე დღის შემდეგ.
თამო თავხელიძე
