ნატოს გენერალურ მდივანს იენს სტოლტენბერგს მიაჩნია, რომ თალიბანის მიერ ავღანეთში ძალაუფლების ხელში ჩაგდების შემდეგ, ევროკავშირის შეიარაღებული ძალების შექმნა ევროპასა და ალიანსის მოკავშირეებს გაყოფს,- ამის შესახებ მან The Telegraph– თან ინტერვიუში განაცხადა.
სტოლტენბერგი მიესალმა თავდაცვის ინდუსტრიაში ევროპული სახელმწიფოების გაზრდილ ძალისხმევას, მაგრამ, მისი აზრით, ეს არასოდეს შეცვლის ნატოს. გენერალურმა მდივანმა ხაზი გაუსვა, რომ ნატოს თავდაცვის ხარჯების 80% დაფინანსებულია იმ სახელმწიფოების მიერ, რომლებიც არ არიან ევროკავშირის წევრები. კერძოდ, ჩვენ ვსაუბრობთ შეერთებულ შტატებზე, დიდ ბრიტანეთზე, თურქეთზე, კანადაზე, ისლანდიასა და ნორვეგიაზე. სტოლტენბერგის თქმით, ევროპაში დუბლიკატი ან პარალელური სამხედრო სტრუქტურების შექმნა შეასუსტებს ნატო-ს მოკავშირეების შესაძლებლობებს ერთად იმუშაონ რესურსებით შეზღუდულ გარემოში.
მან ასევე თქვა, რომ ნატო -ს წევრები ევროკავშირის გარეთ უნიკალურად არიან აღჭურვილნი ევროპის დასაცავად და ავღანეთიდან ევაკუაციამ სწორედ რომ ეს აჩვენა.
ავღანეთიდან ამერიკელი სამხედროების გაყვანის შემდეგ ჩეხეთის პრეზიდენტმა მილოშ ზემანმა ეჭვქვეშ დააყენა რომ ნატოს არსებობა გამართლებული იყო.
თამო თავხელიძე
