რუსეთის პრეზიდენტმა ვლადიმერ პუტინმა მოუწოდა მსოფლიოს, შეეგუონ რუსეთის ფედერაციის არსებობას. ამის შესახებ მან “რია ნოვოსტის” განუცხადა.
რუსეთის ლიდერის თქმით, მის ქვეყანას არაფერი გაუკეთებია შეერთებულ შტატებთან ურთიერთობის დასაზიანებლად. პუტინმა თქვა, რომ არ უნდა გავითვალისწინოთ ის ფაქტი, რომ რუსეთმა დააწესა სანქციები ამერიკული მხარის წინააღმდეგ, რადგან შეერთებულმა შტატებმა ისინი შემოიღო და აწესებს მათ რუსეთის ფედერაციის წინააღმდეგ “ყოველგვარი მიზეზით და უმიზეზოდ”.
”მხოლოდ იმიტომ, რომ ჩვენ ვარსებობთ. მაგრამ ამას უნდა შეეგუოთ. რუსეთი არის, იყო და იქნება. როგორც არის და იქნება შეერთებული შტატები, რომელიც მნიშვნელოვან როლს ასრულებს მსოფლიოში ”, – თქვა პუტინმა.
მან ასევე დასძინა, რომ შეერთებულმა შტატებმა უნდა უზრუნველყოს სტაბილიზაციის როლი.
აშშ-სა და რუსეთის პრეზიდენტები ჯო ბაიდენი და ვლადიმერ პუტინი 16 ივნისს ჟენევაში შეხვდებიან.
საგარეო საქმეთა მინისტრის მოადგილემ ევგენი იენინმა განაცხადა, რომ ბაიდენი პუტინთან შეხვედრის დაწყებამდე ისაუბრებს უკრაინის პრეზიდენტ ვლადიმერ ზელენსკისთან.
თეთრი სახლის სპიკერმა კარინ ჟან პიერმა თქვა, რომ აშშ-ს ადმინისტრაცია არ მიიჩნევს ბაიდენ-პუტინის შეხვედრას რუსეთისთვის საჩუქრად.
თამო თავხელიძე
