ევროკავშირმა უსაფრთხო ქვეყნების სია განაახლა – საქართველო ჩამონათვალში რჩება

ევროკავშირმა მოგზაურობისთვის უსაფრთხო ქვეყნების სია გამოაქვეყნა, რომელიც პერიოდულ განახლებას ექვემდებარება. ახალი სია ევროკავშირის ოფიციალურ გვერდზე ქვეყნდება.

განახლებული ინფორმაციით, ახალი სიიდან ამოღებულია ალჟირი.

ევროკავშირის საბჭოს გადაწყვეტილებით, უსაფრთხო ქვეყნების სიაში რჩებიან ავსტრალია, კანადა, საქართველო, იაპონია, მაროკო, ახალი ზელანდია, რუანდა, სამხრეთ კორეა, ტაილანდი, ტუნისი და ურუგვაი.

ევროკავშირის მიერ უსაფრთხო ქვეყნების სიაში შეყვანილი არის ჩინეთიც, თუმცა ჩინეთთან მიმოსვლა ევროკავშირში მხოლოდ მას შემდეგ განახლდება, როდესაც საზღვრების გახსნის გადაწყვეტილებას ჩინეთიც მიიღებს.

ევროკავშირის მიერ უსაფრთხოდ აღიარებული ქვეყნები შემდეგ სამ ძირითად კრიტერიუმს უნდა აკმაყოფილებდნენ:

•ქვეყანაში ბოლო 14 დღის განმავლობაში 100 000 ადამიანზე „კოვიდ-19“-ის შემთხვევების საშუალო რიცხვი ევროკავშირის მაჩვენებელზე დაბალი უნდა იყოს;

•ბოლო ორი კვირის განმავლობაში ქვეყანაში ახალი შემთხვევების კლების ტენდენცია უნდა აღინიშნებოდეს;

•გათვალისწინებული უნდა იყოს ქვეყანაში ტესტირებების, კონტაქტების მოძიებისა და მკურნალობის პრაქტიკები.

 

წყარო

2020-08-01T00:20:46+04:00აგვისტო 1st, 2020|