„დემოკრატიული მოძრაობის“ ერთ-ერთი ლიდერი, ნინო ბურჯანაძის ვაჟი, ანზორ ბიწაძე ალეკო ელისაშვილს აკრიტიკებს და მას „ოპოზიციის ოპოზიციას“ უწოდებს.
გადაცემა „რეაქციაში“ ჟურნალისტ ინგა გრიგოლიას კითხვას – ნინო ბურჯანაძის პარტია აღარაა „ნაციონალური მოძრაობის“ ოპოზიცია? – ანზორ ბიწაძე პასუხობს:
„როგორ შეიძლება „ნაციონალური მოძრაობის“ ოპოზიცია ვიყოთ ჩვენ?! ჩვენი ერთადერთი ოპონენტი არის ხელისუფლება”.
ამავე საკითხს გამოეხმაურა სტუდიაში მყოფი „ნაციონალური მოძრაობის” პოლიტსაბჭოს წევრი გიორგი ბოტკოველი, რომელმაც აღნიშნა: “ჩვენ ვართ კონკურენტები და არა ოპონენტები”.
