რა ქონებას ფლობს ერთ-ერთი ყველაზე გავლენიანი მეუფე

„აიფაქტი“ მეუფე იობის ქონებას აქვეყნებს.

სააგენტოს ინფორმაციით, დღეის მდგომარეობით მიტროპოლიტის სახელზე მთელი საქართველოს მასშტაბით რეგისტრირებულია 20 ათასი კვ.მ. მიწა შენობა-ნაგებობებით და ერთი ბინა თბილისში:

1. 9,300 კვ.მ. ქარელში, სოფელ ელბაქიანთკარში 2009 და 2015 წლებში შეიძინა;

2. 75 კვ.მ. ბინა თბილისში, ორთაჭალაში 2016 წელს შეიძინა;

3. 2,280 კვ.მ. მიწა ურეკში 2016 წელს შეიძინა;

4. 1,983 კვ.მ. მიწა ყაზბეგში, სოფელ სნოში 2017-2018 წლებში შეიძინა;

5. 6,500 კვ.მ. მიწა, ორი შენობით სამტრედიაში, სოფელ მელაურში 2019 წელს შეიძინა.

საჯარო რეესტრიდან კვლავ ველით მიტროპოლიტის მიერ გაფორმებულ ნასყიდობის ხელშეკრულებების ნაწილს და მიღებისთანავე განვაახლებთ ტექსტს“, – ნათქვამია აიფაქტის მიერ გავრცელებულ ინფორმაციაში.

სააგენტოს ცნობით მიტროპოლიტი იობი სამ არაკომერციულ ორგანიზაციასაც ხელმძღვანელობს:

1. მაცხოვრის აღდგომის სახელობის სამონასტრო კომპლექსის მშენებლობის ფონდი;

2. წმინდა პანტელეიმონ მკურნალის სახელობის ხაშურის სასულიერო გიმნაზია;

3. ურბნისისა და რუისის ეპარქიის ეკლესია-მონასტრების აღორძინების კავშირი.

წყარო