„ნავალნი მოწამლეს“ – პუტინის მთავარი ოპონენტი რეანიმაციაში გადაიყვანეს

რუსეთის ფედერაციის პრეზიდენტის ვლადიმერ პუტინის მთავარი ოპონენტი, ოპოზიციონერი ლიდერი ალექსეი ნავალნი რეანიმაციაში გადაიყვანეს. ამის შესახებ ინფორმაციას ნავალნის პრეს-სამსახურის წარმომადგენელი ავრცელებს.

„ნავალნი ტომსკიდან მოსკოვში ბრუნდებოდა. ფრენის დროს თავს ცუდად გრძნობდა. თვითმფრინავი სასწრაფოდ დაეშვა ომსკში. ალექსს აქვს ტოქსიკური მოწამვლა. ის რეანიმაციაში გადაიყვანეს“, – წერს ნავალნის პრეს-სამსახურის წარმომადგენელი კირა იარმიში ტვიტერის ოფიციალურ გვერდზე.

პრესსამსახურში ეჭვობენ, რომ ნავალნი მოწამლულია.

„ერთადერთი რაც დილით მან დალია, ეს იყო ჩაი. ალექსი ახლა უგონო მდგომარეობაშია“, – აცხადებს იარმიში.

ამ ეტაპზე მედიკოსებისთვის გაუგებარია თუ რას შეიძლება გამოეწვია ნავალნის მოწამვლა. ოპოზიციონერი ამ დრომდე უგონო მდგომარეობაში იმყოფება.

ინფორმაციისთვის, ნავალნი რამდენიმე დღე ციმბირის რეგიონში გამოძიებისთვის საჭირო მასალების მოსაძიებლად იმყოფებოდა.

წყარო

2020-08-20T10:30:10+04:00აგვისტო 20th, 2020|