აზერბაიჯანის საკანონმდებლო ორგანომ ქვეყანაში საომარი მდგომარეობა გამოაცხადა

აზერბაიჯანის მილი მეჯლისმა ქვეყანაში საომარი მდგომარეობის შემოღების გადაწყვეტილება მიიღო.

ადგილობრივი მედიის ინფორმაციით, მილი მეჯლისის რიგგარეშე სხდომაზე საომარი მდგომარეობის გამოცხადების საკითხი პრეზიდენტის ბრძანებულების შესაბმისად განიხილეს.

მედიის ინფორმაციით, რამდენიმე რეგიონში კომენდანტის საათი დაწესდება.

პარლამენტის გადაწყვეტილებით, კომენდანტის საათი იმოქმედებს დედაქალაქ ბაქოში, ასევე განჯაში, ევლახში და სხვა ქალაქებში.

ცნობისთვის, სომხეთ-აზერბაიჯანის საზღვარზე ვითარება კვლავ გამწვავდა. მხარეები შეიარაღებული თავდასხმებისა და მსხვერპლის შესახებ ავრცელებენ ინფორმაციას. ისინი შექმნილი ვითარების გამო პასუხისმგებლობას ერთმანეთს აკისრებენ.

2020-09-27T19:12:00+04:00სექტემბერი 27th, 2020|